علاش غيخرج شباب طاطا للتظاهر؟؟؟

علاش غيخرج شباب طاطا للتظاهر؟؟؟

التنسيقية الإقليمية لحركة شباب 20 فبراير – طاطا-

...علاش غنخرجوا نتظاهرو نهار 20 مارس؟•

حيث وخا الثروات ديالنا كافية باش نخدمو و لكن البطالة كثيرة فهاد البلاد كلشي بطالي:

اللي عندوا الدبلوم والي ماعندوش

• حيت اللي خدامين كيعصروهم بجوج دريال

• حيت ولا السبطار بالفلوس وخا الفقر كثير

• حيث الناس تقهرو بالضرائب خاصة التجار و اللي بغا يبني لا بد ما يخلص

• حيث الى بغيتي تحرث ارضك ف واد درعة مايخليوك

• حيث الاراضي ديال البلاد كيعطيوها لبوغابا و الناس الكبار

• حيث لا داخليات مزيانين و لا ماكلة مزيانة للتلاميد

• حيت الرشوة والمحسوبية شدا من المقدم و الشاوش حتا لفوق

• حيت الماء و الضوء غالي علينا و شعلو العافية في السكنى

• حيت ديما كينا الزيادة فالأسعار والخلصة ديما هيا هيا

• حيث الشفرة ديال فلوس الشعب ولات كثيرة

• حيث المتقاعدين و العيالات لي ماتوا ليهم الرجال ماكيتخلصو والو

• حيث الدقيق و الاعلاف اللي كتجي ل طاطا غالية و ماشي مزيانة

• حيث رجال السلطة دايرين مابغاو فهاد البلاد

• حيت قهرونا بالمتابعات و المحاكمات الصورية و بزاف ديال المناضلين مشدودين فلحبسات، لحقاش كيدافعوا باش يكون مغرب زوين

• حيت كينا الحكرة والظلم أمكنقدوش نقولو اللي بغينا

• حيت القضاء و الادارات كلهم ديال اللي عندو الفلوس أباك صاحبي

• بغينا اللي يحكم يتحاسب و ما يفلتش من العقاب

• بغينا دستور ديمقراطي ديال الشعب

• حيت كنبغيو هد البلاد أباغيين الأجيال الي جاية تعيش بخير

ملقانا جميع للتظاهر السلمي قرب الشلال الأحد 20مارس مع الرابعة و النصف